Comhairle stiùiridh – Innse Gall

Bheir Gnèithean air an Oir comhairle seachad an-asgaidh a thaobh na th’ air an fhearann agad agus mar a dhìonas tu e. Tha trì oifigearan aig Gnèithean air an Oir ann an Innse Gall. Cuir fios chun an oifigeir as fhaisge ort (faic am mion-fhiosrachadh gu h-ìosal) airson bruidhinn mu na ghabhas a dhèanamh agus dè am maoineachadh a dh’fhaodadh a bhith ri fhaighinn. Ma tha ceist agad a dh’fheumas oifigear eile, innsidh iad dhut cò iad.

Seo dhut cuid dhe na rudan a b’ urrainn dhut a dhèanamh:

Stiùireadh bhith-àrainnean airson eòin-ghrunnachaidh

Tha laganan nan lodanan eu-domhain sealach a thiormaicheas rè an earraich is an t-samhraidh. Lorgaidh pailteas eun mòran bìdh annta, ach gu sònraichte eòin-ghrunnachaidh mar a’ churracag agus an guilbneach.

’S urrainn dhut laganan a chruthachadh le bhith a’ cur stad air drèanadh laganan nàdarra no le bhith a’ cladhach laganan eu-domhain thu fhèin. Feumaidh leathad eu-domhain a bhith annta, oir fhada agus àitichean domhain a ghlèidheas uisge gu ruige an t-Ògmhios. Barrachd fiosrachaidh mun laganan: Laganan | RSPB.

Ma chruthaicheas tu laganan air an fhearann agad, nì thu an dà chuid àite air leth feumail dha na h-eòin-ghrunnachaidh san sgìre agad agus ’s urrainn dhut na caoraich agad ionaltradh an sin fhathast – agus a bharrachd air sin, dh’fhaoidte gun toir Gnèithean air an Oir airgead dhut air an son! Bruidhinn rinn airson barrachd fiosrachaidh. 

A’ cruthachadh, a’ leasachadh is a’ stiùireadh bhith-àrainnean do ghnèithean eile

Tha rudan ann as urrainn dhut dèanamh airson bith-iomadachd air an fhearann agad a chur am meud. Bruidhinn ris an sgioba agad is innsidh iad dhut na b’ urrainn dhut dèanamh agus a bheil maoineachadh sam bith ri fhaighinn air a shon. No rùraich na goireasan againn gu h-ìosal. 

Suirbhidhean

Tha e dearg chudromach nar n-obair aig Gnèithean air an Oir uiread a dh’fhiosrachadh a chruinneachadh mu na prìomh ghnèithean againn oir bidh na nì sinn airson taic a chumail riutha stèidhichte air an fhiosrachadh seo. Agus ’s urrainn dhutsa taic a chumail rinne! Tha sinn a’ toirt seachad trèanadh saor ’s an-asgaidh ach an urrainn do dhaoine air feadh Innse Gall barrachd fiosrachaidh fheumail a chur thugainn mu na lusan is beathaichean a th’ ann an cunnart far a bheil iadsan. Ma tha ùidh agad ann an suirbhidh air an fhearann agad no mar a nì thu sin thu fhèin, cuir fios thugainn.

Gainnead fiadh-bheatha air an fhearann agad? Cuir fios thugainn agus chì sinn na ghabhas a dhèanamh, tha fàilte mhòr ro cheistean.

Goireasan

Fiosrachadh farsaing

• Nature-friendly farming in action | Nature Friendly Farming Network; Farm Wildlife
• Farming and crofting for wildlife: Silage and hay management | RSPB
• Bracken management | RSPB
• Moorland / Hill grazing | RSPB
• Land Management for Machair | Farm Advisory Service

Eòin

• Creating scrapes for waders | RSPB
• Managing grassland for waders | RSPB
• Rush management for waders | RSPB

Seilleanan-mòra

• Managing your land for bumblebees | Bumblebee Conservation Trust
• Managing hedges and edges for bumblebees | Bumblebee Conservation Trust
• Managing field margins for bumblebees | Bumblebee Conservation Trust

Daolag-ola gheàrr-mhuinealach

• How to survey oil beetles | Buglife

Ialtagan

• Support bats| Bat Conservation Trust
• Making a Home for Bats on Your Croft | Farm Advisory Service
• Bats and Biodiversity – Why bats on your farm are a good sign | Farm Advisory Service