Thig an cuideachd sgioba Gnèithean air an Oir mar Oifigear Conaltraidh Choimhearsnachd fo thrèanadh ann an Innse Gall!
Tuarastal: £22,100 sa bhliadhna
Tha Urras Glèidhteachas nan Seilleanan-mòra a’ sireadh Oifigear Conaltraidh Choimhearsnachd fo thrèanadh a bhios ag obair làn-ùine airson Prògram Gnèithean air an Oir a thoirt gu buil ann an Innse Gall. ’S e cùmhnant ùine-shuidhichte (12 mìos) a th’ ann bhon Fhaoilleach dhan Dùbhlachd 2025. Bidh fìor dheagh ùidh ann an glèidhteachas nàdair aig an neach a gheibh an obair is miann aca air cosnadh ann an raon glèidhteachas na h-àrainneachd. Chan fheum ceum no gnàth-eòlas ro làimh a bhith aig an neach. Bhiodh sgilean Gàidhlig nam buannachdan.
Cuiridh an neach taic ris an Oifigear Chonaltraidh ann an Innse Gall airson amasan conaltraidh choimhearsnachd a’ phròiseict a thoirt gu buil. Gheibh iad trèanadh agus leasaichidh iad sgilean is eòlas ceum air cheum san dreuchd agus bidh seo na chuideachadh airson cosnadh eile fhaighinn aig deireadh a’ chùmhnaint aca. Le taic, mar phàirt den trèanadh aca bidh iad a’ leasachadh is a’ lìbhrigeadh a’ phròiseict aca fhèin a chuireas taic ri amasan Gnèithean air an Oir.
Thèid aig an tagraiche shoirbheachail air dealasachd, earbsa, is sgilean conaltraidh matha a thaisbeanadh. Bidh iad sgileil air obair aig ìre na coimhearsnachd, is math air fiosrachadh a thoirt seachad ann an dòigh a bhrosnaicheas daoine gus nàdar a chuideachadh.
’S e meadhan-latha Diluain 25 Samhain 2024 an ceann-latha airson tagraidhean a chur a-steach. Dh’fhaodadh gun sgureadh a’ gabhail ri tagraidhean ron seo, agus mar sin ’s fhiach tagradh a chur a-steach cho luath ’s a ghabhas.
’S ann air Diciadain 18 Dùbhlachd a bhios na h-agallamhan. Thèid na h-agallamhan a chumail air loidhne tro Teams. Airson bruidhinn gu mì-fhoirtmeil mun dreuchd, no mu fheumalachdan a thaobh atharrachaidhean san phròiseas fhastaidh, cuir fios gu Katy Malone, Manaidsear Phròiseactan Glèidhteachais (Alba) katy.malone@bumblebeeconservation.org
Lùghdaich a-nuas am pasgan-iarrtais airson an tuilleadh fiosrachaidh.
